श्रीमतीलाई चिर्पट प्रहार गरी हत्या गर्ने व्यक्ति सरकारी कर्मचारी भएको खुलेको छ । दाङ तुलसीपुर १९ दोघर्रेनिवासी ३४ वर्षीय गोपाल वलीले गत चैत्र १२ गते श्रीमती कमला ओलीको हत्या गरेका थिए । चैत १२ गते चैते दसैँका दिन श्रीमती कमला वलीको हत्या भएको थियो ।
डिभिजन वन कार्यालय वीरगञ्जमा कार्यरत वलीले श्रीमतीसँग दुई वर्षदेखि बोलचालसमेत नभएको,पटक–पटक श्रीमतीको आफन्तलाई आफूहरूबिचको झगडा मिलाइदिन अनुरोध गरे पनि सुनुवाइ नभएको प्रहरीमा बयान दिएका छन् । ०६७ सालमा खरिदारबाट सेवा प्रवेश गरेका ओलीको कमला ओलीसँग ०७० सालमा मागी विवाह भएको थियो । २०७५ सालमा गोपालले लेखा अधिकृतमा नाम निकालेर बबई गाउँपालिका दाङमा पोस्टिङ भएका थिए । बबई हुँदा उनीहरूसँगै बसेका थिए । तर, समायोजनपछि उनको मधेश प्रदेशमा सरुवा भयो । त्यसपछि गोपाल वीरगन्ज गए भने श्रीमती कमला भने दाङ बिजौरीमा कोठा भाडामा लिएर बसिन्। त्यसपछि भने उनीहरूको सम्बन्धमा खटपट भएको बताइएको छ । तुलसीपुर १९ दोघर्रेस्थित घरमा हत्या भएको थियो । सोही घरमा गत महिना वन अधिकृत गोपालले श्रीमती कमलामाथि आक्रमण गरी सक्त घाइते बनाएका थिए। गम्भीर अवस्थाकी कमलालाई उपचारका लागि तुलसीपुरस्थित राप्ती प्रादेशिक अस्पतालमा पुर्याइएको थियो। उपचारका क्रममा बेलुकी साढे ७ बजेतिर उनको मृत्यु भएको थियो । घरको माथिल्लो तलाको भान्सा कोठामा भएको भनाभनका क्रममा आफूले आवेगमा आई दाउरा रड लगायतका वस्तुले आक्रमण गरी हत्या गरेको स्वीकार गरेका थिए ओलीले ।
त्यहीबिचमा २०७७ सालमा उनीहरुले विजौरीको दोघर्रे भन्ने ठाउँमा घर बनाएर घर सरिसकेका थिए । यही बीचमा लफडा हुँदा २०८२ चैत्रमा हत्याको संलग्न भएको भन्दै श्रीमान् ओलीसहित उनका बुवा कर्णबहादुर ओली, भाइबुहारी टिका केसी र बहिनी पुतला ओलीलाई जन्मकैदको माग गरी अदालतमा अभियोगपत्र दायर गरिएको छ । वैशाख ६ गते जिल्ला अदालत दाङमा अभियोगपत्र दायर गरिएको हो ।
बिज्ञापन
बिज्ञापन
